أنا والفراعنـه <<<موب حق شاعر المليون هـع هـع..

تحذير واحد..
ترا الموضوع من تأليفي الشخصي ,,
وماأحلل أي شخص ياخذه وينسبه لنفسه .. وقد أعذر من أنذر..

تحذير اثنين ..
الموضوع طويل .. جيب لك ليز بالخل والملح .. و واحد ميرندا أورنج طبعاً .. واتمنى لك قراءه ممتعه ..

تحذير ثلاثه ..
يلااا ابدأ بالموضوع بس لاتنس حزام الأمان لاهنت..

=====

مره من المرات التي تحسب في تاريخي عرضت على أمي خدماتي اذا محتاجه مني شي والا ماشيات ..
قالت لي إيه والله .. ابيك تجين تساعديني أنا والشغاله بننظف المخزن اليوم ..
طبعاً .. قلت لها أبشري يمه من عيوني .. أنظف لك المخزن و اللي جابووه <<< مشكله اذا تحمست

وبدينا بهالمهمه الصعبه ..
هم قاعدين يشتغلون .. وأنا اهذر على راس اميمتي أسليهاا
قمت قلت خليني أفتش بهالدروج اللي وش كثرها كودني ألقى شي يلهيني أول مافتحت الدرج اللي قبالي..
لفت أنتباهي .. صندوق خشبي صغير الحجم , بني اللون , أكل عليه الزمان وشرب..مغبر وحالتي حاله..
لفيت على أمي وناديتها بصوتي الرقيق الناعم
يمااااااااااااااه ..
هذا الصندوق لميـــن!!
قالت لي والله مدري .. بس شكله مغبر وحالته حاله .. ذبيه بس..
بيني وبينكم .. شكل الصندوق ..مغري .. وأعجبني قلت بأخذه أصوره ,,
رحت لغرفتي و وزيته..

المهوووم مالكم بالطويله .. أنا نسيت الصندوق و كملت يومي عاادي ..

يوم جا الليل كانت واصله معي من الطفش ..
وكعادتي ..شغلت مسجلي وقعدت ارقص اتسلى شوي<<<لحد يسألني على وش أرقص لووووووووول
في وسط الرقصه ..تذكرت الصندوق ..
و في ثواني والصندوق بين يدي .. وأخذته وأتربعت على سريري..
ياااا ربييه حق مين هذا .. بس والله شكله رهييب..
نفخت الغبار اللي عليه ..و كحكحت شوي .. كح كح كحووح <<<مايمديكم
و أول مافتحته .. طلع منه نور قوووي مررره
سكرت عيوني على طول ماني قادره اناظر ..
شوي وخف النور ولقيت بداخله..حجر لونه فضي وفيه لمعه ..
مسكت الحجر وكان مره نااعم .. قعدت أمسح عليه <<< حشا لو أنه قطووهـ
حسيت بعدها بدوخه وغثيان مبروك المدام حامل <<<<<سلاماات وش تبين
المهم حسيت بدوخه
وفجـــأه..

فتحت عيوني .. لقيت نفسي جالسه بغرفه ميب غرفتي كان ستايل الغرفه غريب..
السرير كان كبير و طالعه منه أربع عواميد ولونه ذهبي .. وعليه زي الستاره .. والمفارش بيج على سُكري..
قعدت أناظر بالكومادينه اللي جنب السرير كان عليها ابجورره على شكل فرعون صغير بسم الله علينا وش يبي ذا ..
و التحف اللي ممليه الغرفه شكلها بجد غريب و اللون اللي يغلب على الغرفه كلها اللون ذهبي و البيج والبني وتدرجاتهم..
رحت لم دولاب الملابس وفتحته..بجد ملابس تضحك وشوو ذاا .. كلها فساتين .. و ألوانها بيج و بني بعد ..
مافي ولاجنز استغفر الله العظيم شوي ناظرت بنفسي ..
إلا لقيت أني لابسه فستان بيج طويل وله حرزام ذهبي .. ناظرت بالمرايه
وشفت فوق راسي قبووع-قبعه- لونه ذهبي وأزرق فيروزي..
ياااربييه توني كنت لابس جينز وتيشيرت .. وين راحوا..!!

والله منيب فاهمه شي من اللي قاعد يصير..

يتبعـ...

ويــت ويــت ..
شكلي مو كأني من الفراعنه..إلا والله .. بس شلون وليش..؟؟
شوي و طق الباب ..

قلت :: ميــــــــــن..!!
قالت::أنا يا مولاتي أتسمحين لي بالدخول..
قلت::يا ام الشباب شكلك مضيعه بالعنوان .. مولاتك ميب عندنا..
قالت:: ماذا تقولين يا مولاتي..قلت::لاحوووول .. أدخلي بس..
دخلت علي فتاه في العشرينات من عمرها لابسه فستان وردي و عليه أحزمه وحركتات ..
قالت::أسعد الله صباحك يامولاتي..
قلت::هلااا و الله..
قالت::كيف كان نومك البارحه..
قلت:: أي نوم اللي يهداك ..
مانمت ولاشي كله من الصندوق اللي مدري وش قصته بس الظاهر هو اللي جابني هنياا..
قالت::صندوق ماذا يامولاتي..عن ماذا تتحدثين..
قلت::ابد سلامتك .. الحين وش تبين جايتني من صباح الله..

شوي ودخلوا علي بنات من نفس طقتها حوالي 8 بنات..

قلت:: سلامااااات .. وش تبون .. مافي استأذان ولاشي
ترا ماينرفزني إلا اللي يدخل غرفتي دون ما يستاذن
خليكم سنعات زي خويتكم ذي .. كل كلمه والثانيه مولاتي<<<كبر راسي
إلا ماقلتي لي وش اسمك ..؟؟
قالت::انا جاريتك يامولاتي .. ناديني بما تحبين..
قلت:: افاا ياذا العلم .. وش بما أحب .. أمك وابوك وش سموك..
قالت::فتحيه ..
قلت:: ازيك يافتحيه عامله أيه ياحبيبتي <<<خاشه جوو
قالت:: هيا يامولاتي .. الوقت يداهمنا علينا أن نسرع في تجهيزك ..
قلت:: تجهيز وشو .. داخله حلبة مصارعه أناا
قالت::تعجبني خفة دمك ..
قلت:: ماعليك زود ..بس اخلصي علينا تجهيز وشو ..
قالت:: اليوم زواجك أنت و ولي العهد رمسيس التاسع عشر ..
قلت:: لا عااد ... احلفــي
قالت:: والله..
قلت::وشو على كيفك تزوجيني ..مااابي..
قالت::مراسم الزواج بدأت من أسبوع يامولاتي .. واليوم هو أخر يوم سوف تذهبين مع زوجك الى قصركما..
قلت::اقول فتحيووه ,, عندك صوره لذا اللي مدري وش اسمه رمسيس ان كان مزيون وافقت .. ولو شيفه يقلب وجهه
قالت::كيف تقولين هذا يامولاتي عن رمسيس التاسع عشر.. الكل يعرف بقصة حبكما..
قلت:: ياحليلي والله مانيب هينه .. و قصة حب بعد.. بــس
قالت:: لابس ولاشيء.. تعالي معنا الآن..
قلت:: طيب فصلتوا لي فستان العرس<<<اكبر همها
قالت:: بالتأكيد يامولاتي.. أكبر مصمم بمملكه الفراعنه صممه لك ..
قلت::بس أبي لونه بينك بصراحه لاعت كبدي من الأبيض والبيج اللي ماليه الدولاب..
قالت:: الوردي .. للجواري فقط يامولاتي..
قالت كذا و على طول سحبوني بإيدي .. و دخلوني بحمااام كبير .. إلا اشوفهم داخلين معي..
قلت:: احم احم .. شرايك تذلفون
قالولي:: لا يصح يامولاتي..
قلت:: وجععع ياقليلات الحياا.. وشو اللي لايصح .. ياخزيااااه بس وش شايفيني ما استحي
اطلعوا شوي واناديكم خخخخخخ
أول ماطلعوا.. قلت مالي إلا أنحاش.. بيزوجوني بواحد مدري وشوو ..اصلاً يكفي اسمه تحفه..
فتحت الدريشه الكبيره الموجوده وطبيت منهاا <<<< عاد أنا خبره و الدرايش خخخخ

أول ماحطيت رجولي عالأرض.. لقيت واحد واقف يتبيسم لي..
قلت بنفسي لاحووول .. حتى هناا يغازلون..شكله شوي ويذب الرقم<<<ياقدمك
قلت وأنا اصارخ:: بتذلف والا اناديلك الهيئه..
جاني وقال::مرحباً ياعزيزتي ماذا تفعلين هنا .. ألا يفترض بك أن تستعدي لزواجنا..
يؤيؤيؤ.. هذا عريس الغفله .. والله شيفه .. مااابيه..
قلت::ابد ضايقن صدري وقلت أطلع اتمشى..
قال:: ما رأيك أن أخاويك<<<أبو اللغه اللي تعرفينها
ياذا اللزقه هذا وحنا تونا ماأعرسنا..
قلت::لا يا ابو الشباب.. اتركني لحالي..
ايــــه تذكرت .. بابي -دلع بابا-قبل شوي قالي اتصل عليك يبيك بموضوع مهم,,بس جوالك كان مقفل<<<الله من النصب
قال:: كله من الشبكه الزفت مدري وش قصتها..
قلت:: هيـا اذلف ياعزيزي .. فأبي بانتظارك ..
المهم .. ذلف عريسي المستقبلي .. و قلت مالي إلا أحط رجلي و انحاااش..

و اركض
واركض
واركض ..

إلا ألقى بوجهي .. الحرس عرفوا أني منحاشه..
ويمسكوني بالقوه ويرجعوني داخل القصر ودخلوني عند ابوي و رمسيس..

قال كبير الحرس:: مولاي لقد كانت كريمتكم تحاول الهرب فأمسكناها..
لفيت عليه وقلت:: يالرخمه أنا بافي مو كريمه
قال ابوي:: صحيح هذا الكلام يا بافي..
قلت بدلع :: شدعوه يبه .. في وحده صاحيه تنحاش ليلة عرسها ..
وبالذات اذا كان عريسها مثل رمسيسوو-قالها تدلعه-رجل والرجال قليلو بس أنا كنت أسوي رياضه يبه..
قال رمسيس::علينا أن نعجل بالزواج يا حضرة الملك..
قلت:: وشو تعجل .. تراني مانبي طايره
كل شي بوقته حلو .. ياحلو ..
و غمزت له أول ماشاف الغمز طاح عالأرض..
يااساتر من غمزه ويصير له كذا والله فله بقعد اغمز له طوول اليوم خخخخخ

جو الجواري و أخذوني .. و كملت استعدادات العرس.. ولبسوني فستان تحفه الله لايبلانا بس
وبرضوا لونه أبيض جاني اكتأب من هاللون
و طول الوقت وأنا أفكر شلون بنحااش و الله ظلم ..
اتزوج واحد خايس زي رمسيس ذا .. بجد يروع.. ومسوي لي فيها مكحل عيونه وععععع..
بس أنا لهاا .. مابعرس عليه يبطي عظم ياخذني وأنا بافي بنت أبوي..

قطع تفكيري صوت الكوافير .. وهي تقولي ::مارأيك الآن .. هل أعجبك..
وتحط القبوع فوق راسي..
قلت::لاا لاا مابي ..والله يلوع الكبد هالقبوع .. خليني من دون أحلى..
قالت:: ماذا تردينهم أن يقولوا عنك يا مولاتي..إن هذا من أهم مايميز تاريخ أسرتك الفرعونيه العريقه..
هذا ما وضعته أمك ومن قبلها جدتك ومن قبلها جدت جدتك و قبلهم جدت جدت جدت جدتك..
قلت:: الله .. هذولا كلهم كانوا يحطون كذا طيب أمري لله خليه وش ورانا .. الموضوع كله لعب بلعب..

جاتني فتحيه خويتي .. أووه قصدي جاريتي..
قالت::مولاتي بافي.. ماأروع شكلك بجد تقولين للقمر قوم وأنا أقعد مكانك..
قلت:: أكيد يا حبيبتي.. أنا بافي والأجر على الله .. الزين زين لوقعد من النوم..
يعني هاللبوس اللي ملبسينيها و الكحل اللي مدري وش يبي ماأثرت على جماالي ياااااي أهبببل <<< تلاحظون أني مسكت خط
قالت::صدقتـي يامولاتي.. هيــا ألن تذهبين إلى الضيوف..
قلت:: لحظه أيتها الجاريه.. ماجبتوا لي ورد أمسكه معي..
قالت::ولماذا الورد..
قلت:: يالدلخه عشان أمسكه بالزفه عمرك شفتي عروس ماتمسك شي بإيدها وش ذا العرس بس.. مااالي دخل ابي وررد..
قالت::سأجلب لك ورده من الحديقه لتمسكي بها..
قلت:: هيــه انتي شايفتني بزر تضحكين علي .. تجيبين لي ورده ..
ابي بوكيه ورد .. كبيررر وإلا ترا والله ماأعرس على رمسيس حقكم <<<<مسكت معي
قالت:: من عيوني..
قلت:: وش ابي بعيونك عاد من حلاتهاا .. مختفيه من كثر الحكل كنك مكحلتها بملعقه
قالت::ثواني و يصبح البوكيه بين يديك..
قلت:: يلا أجل بسرعه.. لفيت على حقت المكيااج وقلت لها::هيــه أنتي .. امسحي هالكحل وحطي لي شدو زي النااس
وابي لون حلوو..تبين عريسي ينحااش مني أنا وهالكحل..
قالت::لــكن...هذه هي الأعراف و التقاليد .. لانستطيع أن نغير و نبدل فيها..
قلت:: ترا قروشتوني أنتم وهالأعراف.. خلاااص مابي شي خليهااا ..هو اللي بيرتاع موب أنا..

خلصت وقعدت على الكنبه .. استنى الورد يجي .. وفي هذه الأثناء مسكت جوالي أطقطق فيه..
شووي .. ويجيني أتصاالي..
مكتوب الأسم .. رمسيسو حبيبي وجنب الأسم صورته ..
لاعت كبدي يالليل التبن وش قصة أهله ذا .. موب قادر يصبر..
رديت وأنا انافخ وقلت:: نعـــــــــــم..وش تبي..؟؟
قال:: هـلا والله بحبيبتي..
قلت:: أفااا ياذا العلم .. حبيبتك .. وحنا تونا ما أعرسناا .. هيين يا رمسيسووه والله لأقول لأبوي وهو يوريك شغلك
قال:: لااا .. لا داعي لذلك .. أعتبريها زلة لسان ..
قلت:: ههههههههههههه.. ايه كذا تعدل ..خلك زوج مطيع..
المهم الرجال كان رايق وناويها سوالف..
قلت:: رمسيس .. الحين أنا موب فاضيتلك كلمني بعدين اوكي..
قال:: حسناً .. الوعد الليله سأملي عيني منك ياحبيبتي..
قلت:: يصير خير ..
بنفسي ..شغلك عندي يارمسيس إن ماجننتك .. ما أكون أنا بافي..
قال :: يلا سي يو..
قلت:: بااي..

أول ماسكرت .. جابوا لي الورد .. كان مرره حلوو .. هو الشي الوحيد الحلو بعرسي..
و ضبطت نفسي .. وألقيت بنظره سريعه على شكلي بالمرايه.. الله يحفظني ويحرسني .. يااااي..
وقريت المعوذات.. عاد العجز عندهم عيونهم اكسبرس .. يصكون الوحده عين وعلى طول عالقبر

يتبــعـ..

جا وقت الزفه .. في هذه الأثناء كنا ندور العريس لكن للأسف مالقيناه ..
وجععععع وين راح ذا الدب هذا وقته يختفي يبي يفشلني قدام العربان .. وأدق على جواله مايرد اوووووووووف
المهم .. قلت بمشي لحالي .. عشان ماأتأخر عالضيوف..

الف الصلاة والسلام عليك ياحبيب الله محمد كلووولووولوويش..

ومشيت على الزفه يوم جلست ..

قعدت انتظره وانتظره ولا جاء ,, و طولت على ذي الحاله .. لين ماراحوا الناس يتعشون وتركوني ..
اخذت جوالي وعيوني طالع منها شرار
قلت:: وينك يالدب هذا موقف تسويه فيني .. هااااااااااه..
قال:: بغيت اشوف غلاتي عندك..
قلت:: ابوكم وابو اللي يتزوج عندكم من زينكم بس ..
وش زينه الشعب السعودي ليه ما تزوجت منهم لوووووووول

شوي إلا عريس الغفله جاي عندي ..
قال:: ما أروعك ياعروستي الجميله
قلت:: هااه .. من عروستك الجميله ..
ايه ايه .. أكيد تقصدني <<< مو مصدقه أحد معطيها وجه ويمدحها
قال::هيا بنا للقصر..
قلت:: ويييين .. تحسبني بزر تضحك علي بكلمتين وتاخذني ..
أول قلي وين كنت تسعسع
آه ياقليل الخاتمه تاركني أنزف لحالي..هذا من أولهااا
قال::في الحقيقه والواقع لقد كنت أزرع لي بعض الشعيرات لكي لاتنصدمين بحياتك وتندمين انك اخذتني..
طارت بوهتي
وقلت:: هاو وشوله تزرع لك شعر <<< اقروها بالقصيمي
سكت ولاقال ولا كلمه..
قلت:: يا عمري شكلك اصلع صــح..؟؟
هز رأسه على إستحياء وقال بصوت منخفض:: ايه طال عمرك..لكن المشكله مو بهذا ..
قلت:: وش مشكلته ..؟؟
قال::لم تنجح عملية الزراعه .. بل زاد تساقط الشعر..
نزل راسه و صار يبكي .. تقطع قلبي عليه .. وقلت ابو الشعر اللي يحزن رمسيس حبيب ألبي
قلت:: ولايهمك تبيني احلق شعري عالصفر لعيوونك أحلق ...؟؟
قال::هل عذرتيني الآن يا عزيزتي..
قلت::ايه عذرتك .. امش خلنا نروح القصر..

طلعنا من قصر أبوي كبير الفراعنه وحاكمهم إلى قصر بعلي رمسيس ..و وصلنا ..
في غرفتنا كنت قاعده ومنزله راسي مسويه فيها عروس ومستحيه .. ماأبيه يقول وش ذي اللي فاصخه برقع الحياا..
سمعت صوته وهو يناديني ..
يوم لفيت له ..

شفت مالا أحسد عليه ..

كان شايل القبوع اللي فوق راسه طبعاً مثل ماقالي انه اصلع .. لكن ماتوقعت كذا بتاتاً البته..

شلوون اوصف لكم ياربي..
كان أصلع في وسط راسه بس .. أما الباقي كان آثار شعر
مدري انتم متخيلين الشكل وإلا لا

شفتوا اللي مع كونان المخترع هذاك مدري وش اسمه نفس الشكل بس زوجي العزيز كان على ابشع..
يعني فلم رعب بجد .. وكان كاشر و يضحك .. و بعد الأسنان نكتة الموسم ..

يوم شفته كذا وقفت .. اناااظر و مع الروعه جيت بنحااش وماانتبهت ان وراي الجدار وصقعت فيه بقووه..
طبعاً فقدت الوعي .. بس موب مره يعني احس باللي يصير حولي..

رمسيس كان يصيح ويبكي كنه بزر مضيع امه::لااااااااااا لاتروحين وتتركيني ..
و أنا بنفسي اضحك عليه .. سااااااااااد يستاهل
شوي وبديت افقد وعيّ كل ابوه..

يوم فتحت عيوني .. إلا اشوف الدنياا حواليني تتحرك ياربي وش ذا ..
واشوف الجواري معهم زي الشاش الأبيض بس طويل مره واقفين فوق راسي..
شووي واسمع صوت ابوي .. و رمسيس ..

كانوا يبكون و يقولون كلام غريب موب مفهوم..

أبوي:: ماذا فعلت بها ايها الأحمق هذي ابنتي الوحيده هل تفهم هذا .. لقد كان طيبة القلب و بريئه لقد كانت دلوعتي <<< خربها ابوي اخر شي
رميسيس:: احلف لك يا مولادي اني لم افعل لها شي لقد سقطت مغشيً عليها و كما ترى أمامك لقد توفت ,, لقد ذهبت وتركتنا
وكمل صياااحه ..

أنـــا <<<<<
شوي ومسكوني الجواري ويربطوني بالشاش الابيض.. بعد فتره اكتشفت انهم قاعدين يسوني موميااء..
قلت بسكت الين مايطلعون وانحاش .. وادور احد احبه واتزوجه بدل رمسيس الشيفه..
صاروا يترحمون علي ..
كملوا تربيط ويوم خلصوا شالوني وحطوني بتابوت .. و أسمع صوت تِــــكْ..

وبعده قال ابوي:: سأخذ المفتاح عندي .. ولن أفتح التابوت إلا حينما يمر حول-سنه- كامل على وفاتها..

طلعوا ..

و أنا بغت تجيني سكته وامووت جد
حاولت اتحرك مافي فايده صااارخت الين ماراح صوتي ..بكييييييييييت قلت يارب ما اموت
يارب رجعني لرمسيس والله توبه ياربي توبه ..
والله ما أسب أحد ولا اتهزى على احد يارب يارب ..
طبعاً كلكم تعرفون شلون شكل المومياء.. يربطون الواحد ويتركون له فتحه مكان عيونه وفمه..
فتحت عيوني إلا اشووف عقرب .. كبيررره .. علي ..

صرخت بأعلى صوتي .. لاااااااااااااااااااااااااااااا

شوي إلا اشوف نفسي بغرفتي وعلى سريري و بنفس تربيعتي ..
قمت للمرايه بسرعه إلا اشوف شكلي مثل ماهو مافي شي متغيرر..

عرفت أن السالفه كلها من ذا الحجر.. طبعاً حمدت ربي أني ما اعرست على رمسيس بجد .. وان كل ذا الكلام كان خرطي ..
و لعنت الحجر والساعه اللي لقيته فيها .. طبعاً رجعته بالصندوق ودحشته بالدولاب .. بعذرهم هلي داحشينه بالمخزن..

وووبسسسسسسسسسسس هذي حكايتي لكم اليوم ..

طبعاً هذي أولى مغمراتي أنا والحجر السحري ويمكن في شي بالطريق بس هذا موب وعد ..

طحيااااااااااااااتي...

باااااااااافي

اجل رمسيس شين و اصلع ،، ترى هذا حدك

لا تقعدين تتمنين واجد ،، ابي حلو ،، و سيارته مدري وشي

اعرف رجلك وش وضعه >> اسمر و عيونه حمر و حاده و حاط كحل داخل عينه و معاه ددتسن غماره مافيها مكيف و جاعد ،، و انتي جنبه بـ برقعك ،، بس خيطه مايل على جنب

و تجين تبين تزوريني في بيتي ،، و اصرفك ،، عشان ما تفشليني قدام الجيران إذا شافوا سيراتك قدام بيتي ،، و قدام زوجي لا ربي حكم عليه و قعد مع الاطخم اعلاه

فايده هالكلام ارضي برمسيس لا يجيك اقرد منه

بعدين احمدي ربك جايب لك شلة يقولون لك يا مولاتي و يشيلون فيك و يحطون فيك ،،

لا و خلوك تتسبحين بعد ،، و انتي من عيد لعيد

>> بافي كني استلمتك بهالمووضوع ،،

وسعي صدرك تعرفين ادور احد اتخانق معاه و لي كم يوم اكتب ردود و امسحها ،، اسلوبي ماش ،،

قلت اطلع حرتي فيك ،، ماحد بيتحملني إلا انتي ،،

موضوعك مرتب و عاجبني

ننتظر الجزء الثاني

سحااابه ..

قولي قـــــــا ...

قصة تجننننننننننننننننننن بوفي
كأنت في فلم علاء الدين أنا والفراعنـه <<<موب حق شاعر المليون هـع هـع.. 424970

أنتي ياسمين flower

ورمسيس علاء الدين أنا والفراعنـه <<<موب حق شاعر المليون هـع هـع.. 588450

والحجر المصباح الجني
والجارية هي الجني
ههههههههههههههههههه أنا والفراعنـه <<<موب حق شاعر المليون هـع هـع.. 89215

قصة روووووووووووووووعة

أحلى من القمر ..

تسلمين على مرورك .. بس أنا احلى من ياسمين <<<برااا

hip hop girl

الروعــه تواجدك في موضوعي ..

ههههههههههههههههههههههـــــ

شكرااااااا بافي

خخخخخخخخخخخخخخ

اقتباس :

و غمزت له أول ماشاف الغمز طاح عالأرض..

لاتصدقي

نفسك

لايكبرر راسك والله يبغااااك

واحد زي رمسيسوو

وبعدين لون بيج وع لو كااان ازرق او احمررر احسنن

ليا باك

اجل رحتي عصر الفاعنة وشغالتهم كان اسمها فتحية<<<<<وراهم ما سموها مدحت
على العموم الموضوع مقبول يعني المستوى موب ذاك الشيء البيرفكت لكن؛؛يالله

امزح هيييه ؛؛تخيلوا جد ؛؛كان جهزت الكفن في الطريق ؛؛؛لا الموضوع قمة في الابداع والروعة
وتقولين خبرة في النط مع الدرابش اجل؛؛مش الله عليكي

مشكوره على توسيع صدورنا ؛؛

غدو ..

بش بش ..

لون حياتك..

هلا والله بها الطله

افتقدناك

أنا والفراعنـه <<<موب حق شاعر المليون هـع هـع.. 486675

الله يسامح الاختبارات